మూడు రోజుల్లో ‘సచివాలయ’ పరీక్షల ఫలితాలు

by CNN TELUGU
0 comment

అమరావతి, సెప్టెంబరు : గ్రామ, వార్డు సచివాలయాల్లో ఉద్యోగాల భర్తీకి నిర్వహించిన రాతపరీక్షలకు రాష్ట్రవ్యాప్తంగా 21,69,814 మంది అభ్యర్థులు దరఖాస్తు చేసుకోగా.. 19,74,588 మంది అభ్యర్థులు పరీక్షలకు హాజరయ్యారు.

ఫలితాల కోసం ఎదురుచూస్తున్న 19.74 లక్షల మంది అభ్యర్థులకు మూడు రోజుల్లో ఫలితాలు వెల్లడి వెల్లడికానున్నాయి

ఏపీలో గ్రామ, వార్డు సచివాయాల్లో పోస్టుల భర్తీకి సెప్టెంబరు 1 నుంచి 8 వరకు ఆరు రోజులపాటు నిర్వహించిన పరీక్షల ఫలితాలు త్వరలోనే వెల్లడికానున్నాయి. సెప్టెంబరు 19 లేదా 20 తేదీల్లో ఫలితాలను వెల్లడించడానికి అధికారులు ఏర్పాట్లు చేస్తున్నారు. ఇప్పటికే OMR పత్రాల స్కానింగ్ పూర్తికాగా.. మంగళవారం (సెప్టెంబరు 17) తుది పరిశీలన చేయనున్నారు.
అభ్యర్థుల OMR ఆన్సర్ షీట్ల స్కానింగ్ ప్రక్రియను నాగార్జున యూనివర్సిటీలో పూర్తిచేశారు. ఇందుకోసం ప్రభుత్వం 350 మంది ఉద్యోగులు పనిచేశారు. ప్రత్యేక అధికారుల పర్యవేక్షణలో స్కానింగ్ ప్రక్రియను పూర్తిచేశారు. 19 లక్షలకుపైగా OMR ఆన్సర్ షీట్లను స్కానింగ్ చేశారు. తుది పరిశీలన అనంతరం సెప్టెంబరు 20న ఫలితాలను వెల్లడించనున్నారు.

గ్రామ, వార్డు సచివాలయాల్లో ఉద్యోగాల భర్తీకి ప్రభుత్వం సెప్టెంబరు 1 నుంచి 8 వరకు రాతపరీక్షలు నిర్వహించిన సంగతి తెలిసిందే. మొత్తం 1,26,728 ఉద్యోగాలకు గానూ 21,69,814 మంది అభ్యర్థులు దరఖాస్తు చేసుకోగా.. 19.74 లక్షల మంది అభ్యర్థులు పరీక్షలకు హాజరయ్యారు. ఏపీ గ్రామ, వార్డు సచివాలయాల పరీక్షల ఫలితాలను సెప్టెంబరు చివరి వారంలో విడుదల చేసే అవకాశం ఉంది. ఫిర్యాదుల స్వీకరణకు 1902 కాల్‌సెంటర్‌ నెంబరును ఏర్పాటు చేయనున్నారు. అభ్యర్థులకు ఏమైనా ఫిర్యాదులుంటే నేరుగా ఈ నెంబరుకు ఫోన్ చేసి పరిష్కరించుకోవచ్చు.

పరీక్షలు ఈ విధంగా జరిగాయి…
* సెప్టెంబరు 1న కేటగిరీ-1, కేటగిరీ-3 (డిజిటల్ అసిస్టెంట్) పరీక్షలు నిర్వహించారు.
* సెప్టెంబరు 3న వీఆర్వో, సర్వేఅసిస్టెంట్; ఏఎన్‌ఎం/వార్డు హెల్త్ సెక్రటరీ పరీక్షలు నిర్వహించారు.
* సెప్టెంబరు 4న విలేజ్ అగ్రికల్చర్ సెక్రటరీ, విలేజ్ హార్టికల్చర్ సెక్రటరీ పరీక్షలు నిర్వహించారు.
* సెప్టెంబరు 6న విలేజ్ ఫిషరీస్ అసిస్టెంట్, ఏనిమల్ హస్బెండరీ పరీక్షలు నిర్వహించారు.
* సెప్టెంబరు 7న కేటగిరీ 2(ఎ) ఇంజినీరింగ్ అసిస్టెంట్/వార్డు ఎమినిటీస్ సెక్రటరీ, కేటగిరీ-3 విలేజ్ సెరికల్చర్ అసిస్టెంట్ పరీక్షలు నిర్వహించారు.
* సెప్టెంబరు 8న కేటగిరీ 3 వార్డు ప్లానింగ్-రెగ్యులేషన్ సెక్రటరీ, వార్డు వెల్ఫేర్-డెవలప్‌మెంట్ సెక్రటరీ, వార్డు ఎడ్యుకేషన్-డేటా ప్రాసెసింగ్ సెక్రటరీ, వార్డు శానిటేషన్-ఎన్విరాన్‌మెంట్ సెక్రటీ పరీక్షలు నిర్వహించారు.

గ్రామ, వార్డు సచివాలయాలకు సంబంధించి మొత్తం 1,28,589 పోస్టులను ప్రభుత్వం భర్తీచేయనున్నారు. వీటిల్లో గ్రామ సచివాలయాల్లో 13 విభాగాలకు సంబంధించి 95,088 పోస్టులు, వార్డు సచివాలయాల్లో 9 విభాగాలకు సంబంధించి 33,501 పోస్టులను భర్తీ చేయనున్నారు. కాంట్రాక్టు, ఔట్‌సోర్సింగ్ విధానంలో ఇప్పటికే పనిచేస్తున్న ఉద్యోగులకు 10 శాతం వెయిటేజి ఇవ్వనున్న సంగతి తెలిసిందే.

గ్రామ, వార్డు సచివాలయాల ఉద్యోగాలకు ఎంపికైన అభ్యర్థులు అక్టోబరు 2న విధుల్లో చేరతారు. నియామకాలు పొందినవారికి రూ.15 వేల స్టైఫండ్ చెల్లించాలని ప్రభుత్వం నిర్ణయించింది. ఆ తర్వాత శాశ్వత పేస్కేలు వర్తింపజేస్తారు. వీరికి రెండేళ్ల ప్రొబేషనరీ పీరియడ్‌ అమల్లో ఉంటుంది. వీరికి డీడీఓగా పంచాయతీ సెక్రటరీ వ్యవహరించనున్నారు. పంచాయతీ సెక్రటరీలకే గ్రామ వాలంటీర్లకు వేతనాలు చెల్లించే బాధ్యతను కూడా ప్రభుత్వం అప్పగించింది.

Related Posts

Leave a Comment